我生左啦~住院及出院篇

       

 

上回講到~終於bb係10月24日出世,生完之後,大約8點到上二等房

係產房一出黎,就見到爸B同媽咪,老公第一句係問我辛唔辛苦,但我第一句同佢講"睇下!!BB呀",佢同我媽媽個樣係超開心~~真係一世難忘佢地當時表情~佢 地同我一齊搭LIFT,之後係LIFT到爸B偷影左一張相~一上到二等房,已經係晚上8:00過左探病時間,所以姑娘只俾爸B陪我入房,唔俾我媽媽入~入 房一陣,爸B想睇多幾眼BB,姑娘話"你只可以係育嬰房出面睇,因為BB岩岩出世,要訓暖箱相都唔影得~爸B當晚好開心咁話"我聽日黎探你同BB!"勁開心~

二等房個樣

一房得2張床,其實有d似私家醫院~

一入房嬸嬸黎到,就同我講生完6個鍾內要去一次廁所要禁鍾叫嬸嬸陪我去~8個鍾先落得床~

6個鐘去第一次廁所,嬸嬸叫我拎埋孕婦衛生巾~落床真係好困難,因為傷口好痛~同埋傷口係下面,想坐都坐唔到~加上BB要吸出黎傷口都會比較大,呢晚好訓D,大約朝早7點派餐,2等房的餐同普通的差好遠~仲有甜品食---心太軟~

政府醫院一般都有探病時間限制間間唔同,可以上返相關醫院網頁查詢,至於威仔就12:00-2:00,5:30-7:30只有呢2個時間
,25號將近探病時間,姑娘將BB推返俾我~第一次見到佢啦~好開心~我老公身一次抱佢都好開心~

我 係醫院先試餵人奶,其實係政府醫院佢出世12個鍾之後(順產),就會推返BB俾你,除左佢沖涼之外,其他時間都係自己湊,就算餵人奶唔夠要補都係你自己攪 掂,但當你生完又無得休息已經想癲,你餵人奶又要埋身,但頭2日又未上奶,你又唔知佢咩事喊,仲要餵唔岩姿勢,LIN損曬!!不特止,你自己本身又有傷 口,根本就應該要休息~但連基本休息時間都唔夠,又要2個鐘起身一次餵,同埋佢岩岩出世,你都唔知佢喊咩......又攰~開始個人有d燥,因為基本無得 訓!!!好彩呢度有個姑娘見我咁,佢幫我湊bb餵奶粉~我先有得訓幾個鐘

所 以我係26號出院前,已經決定唔餵人奶~雖然人奶係對bb最好!但如果我自己都無得休息,都會影響奶量~各位媽媽!!如果自己都覺得好辛苦就唔好餵啦~因 為咁反而仲易有產後抑鬱~我當時only想快d出院(我阿嫂"做助產仕"個時都同我老公講,如果醫生比出院就早d出~因為係醫院無得休息)我自己都差d有 產後抑鬱

返到屋企,有媽媽工人姐姐,仲有爸b照顧我就真係可以休息~爸b請左3個星期假~頭一個星期半夜通宵全係爸b頂~佢本身係極度緊張大師,唔係話訓就訓到~加上又好緊張bb~所以果個星期日日訓得幾個鐘,爸b事後都話差d佢有抑鬱!!其實頭2日係最辛苦因為岩岩返到去,佢又未適應迎環境,你又唔知佢仲咩事喊,好彩我返屋企個日係星期五,咁岩六日媽媽都放假,個個都係屋企幫手~星期六個晚本夜喪喊,姐姐第二日放假佢曼後都幫爸b手頂一陣,比爸b去訓~姐姐本來第二日要去教會,點知佢都太攰無去到

我頭一個星期係攰到半夜bb喊,我好想起身,但我隻眼唔受控地蓋埋眼~傷口又痛到想坐都坐唔到~

所 以各媽媽你地自己覺得太辛苦就唔好餵人奶,都要為自己諗下~人奶對bb係好,但你自己都無得休息邊有精神湊佢呢?當你唔餵就實有好多人話你仲咩唔餵,但唔 好理佢地講咩!!!大前提係你同bb都有個舒服方法,我地細個都係食奶粉大~我都咪又係咁大又係咁健康~唔見得有咩問題~

坐月好輕鬆

 

 

工人姐姐始終都唔係本地人,對坐月的知識唔高~我家姐姐好鍾意研究菜色,咁岩上次去開書局,就俾爸b搵到一系列好書!

呢本"坐月好輕鬆係"我地買左一系列書之後,我無意中發現原來呢個系列有本講坐月~
本書我都有推介俾1210龍b會的媽媽

入面有講順產同開刀要注意d咩~幾時先補得~有咩係產婦食得同唔食得,點樣關懷產婦,入面都幾多菜色選擇~如果餵人奶,雞酒應該幾時先食?樣樣都有,重要係中英菲/中英印對照,唔怕姐姐睇唔明!!如果家中有數字人唔識又扮識都可以買俾佢睇~各大書局都有得買,只係38蚊~~

印傭版--坐月好輕鬆
菲傭版--坐月好輕鬆

我生左啦~催生篇

 

       

 

上回講到~我因為氣促22號晚入左醫院,23號醫生早上巡房就建議我提早一日,即係24號催生~我都同意~22號7樓候產室close左裝修,要催生同有 跡象的開到一定度數先可以落產房(24號唔算好多人生bb,我聽d姑娘講25號就勁多人生)~威記無無左笑氣,得止痛針1無痛

今次就講下催生過程啦~

24 號早上,醫生巡房用手幫我CHECK宮頸,佢話我宮頸夠成熟,唔使塞藥!就安排我去產房吊藥,吊藥前先要打豆,方便吊鹽水同催生藥!~但好多人都話打豆好 痛!加上威仔好多實習醫生,有d真係唔多掂,我見我對面床的媽媽,俾個新仔打左5次豆.......佢本身都有跡象入院,佢同我都係24號落產房~早我少 少,之後佢仲同我一齊上9樓同房添~

我見到佢咁的情況我都驚,但病房姑娘又叫我換衫執行李,攪掂晒,姑娘問我洗唔洗輪椅?姑娘唔使喎~姑娘話"好VERY good!行動自如!!"之後就跟姑娘落7樓產房,我就叫埋爸b一齊落去,點知去到門口姑娘就話佢唔入得~原來產房門口好細......我老公就問大概要幾耐?(其實點會知呀~(準爸b次次都問呢d無答案的問題)姑娘都話好難講,催生會耐d十幾個鐘度啦~你返去先啦~

爸b又真係返左去喎~~ 我入到去,裡面中間有一張床,同有d儀器~一間房都幾大,之後有一堆姑娘問你野,,,,先問你咩名,對手帶,之後有姑娘問你知唔知有咩麻醉方法,我話我想 知無痛分勉的資料~~佢地就安排左麻醉科的姑娘同我解釋,有位鬼婆醫生同我打豆,但之前見到對面床的可怕經歷之後.......我忍唔住問鬼婆醫 生"should be painful?"佢答"just little bit!"又果然佢的技術非常好~真係一下攪掂,仲一d都唔痛(好多唔同媽媽都講過打豆好痛)之後佢打完,就有姑娘幫我吊鹽水,同吊催生藥~吊左一陣,鬼 婆入黎同我穿水,佢係拎住一枝棒咁~鬼婆話"有d唔舒服,但你配合我就得架啦~"佢就伸手入下面就用棒"了",係唔舒服但可以接受~10:45到就正式吊 左藥,頭2個鍾的痛係可以接受的,我個產房有道門可以去隔離間房,入面都有個產婦....就係印度人!!!印度人係唔識講中文同英文,係產前病房d姑娘都 話要用埋身體語言先溝通到.....我就不停聽到佢大叫......叫都我心都寒埋!!!仲叫到好哀怨我 到第3個鐘真係堅痛!!我自己都叫...當然係斯文好多!!之後咁岩d姑娘轉更,呢更姑娘惡好多~有2個姑娘幫我插尿喉同再check宮頸~但我真係痛到 喊,因為佢地係我陣痛緊的時候同我check宮頸,仲要"了"痛到我勁郁同喪喊,姑娘就鬧我!!!話我地幫緊你,你不停郁,到時會整瀉d尿~~~但我完全 無理,我不停喊同郁,姑娘見我咁辛苦就提議不如打止痛針,我話好~之後姑娘充幫我打~打完又真係舒服好多~起碼都叫做有d時間抖下~可以訓下~但過多2個 鍾又開始頂唔住,咁岩就有醫生入黎,我都開始好痛,醫生見我咁辛苦,仲話宜家先開得1度,建議我打無痛.......我就話好!!之後就又有一堆姑娘黎問 我名...叫我簽同意書(痛到死都要簽),等左一陣麻醉科醫生就黎啦~(我算等得快,可能唔太多人生)又係鬼鬼地的跟住佢有姑娘捉住我,就係我背打左一針 就攪掂......之後就真係無咁痛啦~我真係訓著左~~過多2個鐘到feel到有幾野堅痛,但從來無人同我講我開到幾多度.


過 多一陣~有姑娘同我講我媽媽係門口禁鐘問我生得未,但姑娘同左佢講我開到4度咋,咁姑娘就俾左個電話我,打去同我媽咪講聲,但要忍受陣痛,仲要禁電話打俾 我媽媽,真係有d高難道,講完電話都無5分鐘,姑娘突然call醫生,拉起腳踏叫我試下生~我又唔知發生咩事~,之後一堆姑娘就埋入黎,叫我一有陣痛就試 下用力痾但又突然唔覺好痛,之後一有痛就試幾下,姑娘都話做得好!!但真係用左無痛唔太識用力~醫生都入埋黎,我都仲未痾到,之後佢地話唔得啦要吸bb出 黎,但我都係要用力痾,之後幾下突然叫停我唔好痾,因為我知bb臍帶纏頸,之後我問佢地痾得未,佢地話得啦~我就一野充痾左阿b出黎....成個過程由我 媽咪打黎到我生左只係30分鐘到
`
之後bb就由兒科醫生睇,聽到佢喊真係好開心~攪掂左佢地就將bb放係保溫箱!~~我見到佢眼仔碌碌好得意,d姑娘3咁話佢個樣好女仔~~好得意~本來鬧我的姑娘都變得nice!

之後就借左電話打俾爸b話佢知我生左,爸b話"咁快?因為我媽咪都係岩岩返到屋企,我話係呀~佢地就啦啦臨食少少野搭的士黎,之後就聯針,我因為打左無痛,同埋即刻聯,所以我無咩感覺,聯左幾多針我就唔知,但唔會小過5針~可能有10針~

等 上房就等左好耐~起碼有一個鐘~因為有得上二等房~所以唔怕啦~一堆出去!~就見到我媽媽同爸b~佢地個開心樣真係一世難忘~佢地同我一齊搭lift上9 樓,爸b就偷影左一張~咁岩過左探病時間~所以只可以爸b入黎,同埋係保溫箱睇bb~而我就要6個鐘後去一次廁所~所以無得睇bb住....

終於生左好開心~下篇會講下起醫院之後的2晚

終於生左啦~入院篇

 

 

終於在10月24日生左小公主啦~過程實在峰回路轉~

先由入院講起~本身10月25號係我的預產期~但10月22日的傍晚,等開飯中~突然覺得好似抖唔到氣咁,我老公即刻打俾我做助產仕的嫂嫂~佢叫我立即入院,我同老公+老豆坐的士去威爾斯,的士上到2樓平台~我地就即刻上7樓~姑娘帶我去檢查,叫我老公去登記

我 入到房,姑娘問我有咩唔舒服,循例度血壓+用心胎機聽BB心跳,之後就安排我入產前病房,俾左件衫我換之後就叫我去近門口個張床,駁機檢查BB胎動次數, 做左成個鐘就安排我訓35號床!~我就叫準爸B返去先,因為夜晚晚,無高級醫生係度,只有HOUSEMAN.....個醫生都係幫我抽D血,做D簡單野, 同做左心電圖ONLY~叫爸B聽朝先黎,渡過我第一個入院的晚上......係訓唔到架......雖然無人叫生叫死....但我隔離床個位大陸媽媽,喪扯鼻鼾,真係唔明點解可以係醫院訓得咁好

第 二朝,有一堆醫生巡房,巡到我~醫生話我知報告正常,問我幾時係催生期,我話25號(當時係23號),醫生話不如明天(24)幫你提早催生~我話好!!反 正都入得院,早一日都好的!下晝爸B黎探我~好彩佢即刻拎到假,加上咁岩23號係假期,所以我媽同老豆都放假,所以佢地一齊黎探我~

係病 房入面,姑娘定時定候同你CHECK BB心跳,無野做!你可以行出走廊同屋企人傾下偈,產前大約有廿幾張床,其中有個印度孕婦真係好有印象~佢本身係23號去催生,但產房無位,佢就改左同我 一樣24號催生~點解無位呢???我都算好彩啦!!本來催生/有作動跡象的都係要去侯產室,咁岩係22號侯產室就CLOSE左裝修,所有要催生就直接落產 房,有跡象的就要等到3度先落得產房~因為宜家威仔無笑氣,所有止痛針,無痛都要產房先有,但如果你係侯產室,姑娘係會借的意唔俾你打!!同埋無痛同止痛 都要某個度數先打得,過左又唔俾打....所以我地算好好~~

23號晚習慣左醫院生活,呢晚就好訓啦~但多左好多媽媽入院,有D仲即刻落左產房~24號就催生,真係好緊張呀~~

39週5~~BB你幾時先捨得出黎呀?

 

 

39週5......BB仲唔出黎....不過尋晚食食下飯有一野長痛,同平時FEEL到的M痛有少少分別,大約痛左10秒到啦~之後到訓覺又有一野係長痛,又係一野10秒~唔通BB準備出黎

早幾日準爸B同佢的好兄弟BBQ,因為好兄弟結婚爸B要做兄弟,其中有個朋友仔以前係做玩具公司,俾左D公仔My Princess,最鍾意係呢個~

My Princess的第一個公仔!!

好攪笑~個樣超呆滯~準爸b就成日同My Princess講"bb你快d出黎啦!如果唔係你媽咪玩爛晒你d公仔"

My Maid's Kitchen -2

 

 

My Maid's Kitchen -2

姐姐好多時都俾D驚喜我地,因為自從第一餐之後,我唔會叫姐姐一定要煮D咩,由佢話事!我只會每日返工前同佢講我地今晚有幾多個人食飯就得~姐姐就會預份量,而我家(我媽,我爸+準爸B)個個夜晚都唔食得多,宜家準爸B係食最多果個~

呢日係爸B食的第一餐姐姐手勢,去圖先!

第一  --節瓜"讓"肉餅

第二 --蒸水旦

第三 --蒸肉餅~

爸B仲話好過出面餐廳食,仲話佢D豬肉餅好好食!~~見到節瓜,我地全家都好讚嘆~水旦勁滑,爸B話如果水旦加埋D蛤蜊入去仲好食.....我話"咁呢餐好貴喎!"

以前我地唔都會成日招呼D朋友返黎,係過時過節媽媽的契仔,阿哥阿嫂會返黎食~通常都媽媽煮,但自從姐姐黎左之後,連續3個星期六都有人黎我地屋企食飯~

My Maid's Kitchen - 姐姐煮的第一餐~

 

 

My Maid's Kitchen -1

之前我應該有講過,我家姐姐做野都好有交帶同好乾淨~所以我地都好放心俾姐姐湊小公主,但我開宗明義係講煮野食,證明姐姐廚藝係非常好~因為準爸B唔知點解條脷好尖~多左糖落多塊果皮都知我成日都同佢講不如你去做食神,我幫佢開個BLOG,分分鐘搵到錢添呀!~下次開個TOPIC講下先~

至於我家姐姐連呢個煩到震,尖到震的準爸B個胃都攪得掂,證明姐姐廚藝非常掂!!今日第一集,先講下姐姐係我家煮的第一餐,一個工人到埗,第一樣野就要試佢手勢~去到街市,我求其叫佢買左幾樣野~我本身對食的要求真的唔太大~但如果我都覺得唔好食,咁就好大镬

先去圖,睇下姐姐煮左咩~

準爸B當晚就約左人無得食~但佢都話姐姐煮雞翼個陣好想食~(但爸B其實唔多鍾意食雞架~)

連婆婆都話好好食~佢都話無姐姐煮得咁入味

準爸B都話如果日日食姐姐D野肯定好快肥~~呵呵

BB用品之網上購物格價

 

 

BB用品之購物格價

之前都講過,我係好鍾意做RESEARCH同埋由0開始做起個種的滿足感,所以我自己都覺得我係好適合做Makeup Artist!~

至於關於bb用品格價呢,其實都好多謝一班1210龍b會的媽媽!!因為佢地有好多都好利害,直頭有埋列表~不過人家咁有心~我都唔會將呢d心血當自己的經驗既!!

我自己因為有正職,所以無咁多時間周圍行去做至抵精明眼~我有同事同我講宜家網購都好方便,分分鐘仲便過吉仔有特價

彩虹嬰兒用品中心

彩虹就有門市的,係近太子花墟個邊
佢要先登記,你想買咩就加入購物藍,佢係購物滿指定數目,就免費送貨!!基本上大部份市面上的貨品都有~

康嬰之城

都有門市,近油麻地!
佢就唔使登記,但送貨要睇咩地區加錢!佢的貨品型號會較新,無寫特價價錢的貨品,就以原價的85折出售

呢2間我都有訂貨,如果有貨幾日都送到!可以先查詢有無貨才買~~我都有睇過吉仔個D,但發現呢2間平D!~建議買大型野就用佢地~好似車仔呀~床仔呀~至於小物品好似棉花個D除非你訂野個額over左可以送啦~如果唔係你去吉仔申請埋張會員卡,價錢其差唔多~