上學去~

     

好耐無寫關於BB的POST~

由於Renee宜家都8個幾月,開始要諗學校~你地無睇錯,唔係我怪獸,而係事實,因為有好多因素令到bb要睇早返學,就等我黎解釋下

1.學校~最大因素係因為學校,因為宜家d學校好多都收讀過N班的BB,點解呢?因為基礎的野佢地已經識唔使再教,對學校黎講真係易教好多~

2.出世月份-好多學校是睇BB既出世月份,好多唔收細B(細B既定義係8月之後出世既BB,間間學校都會有出入,所以要問相關學校)Renee實屬10月細B~

3.睇咩人湊-我自己要返工所以我無時間教Renee~加上是工人姐姐湊~教到佢既野唔多~

4.自己有無能力-最現實的當然自己可唔可以AFFORD到~因為N班係唔會有資助~大約一個月要$3000-$3800到會有雜費未計

就是因為呢幾個原因,所以我會俾bb讀N班,但我根本唔知自己個區有咩學校,同咩學校有N班~因為自己本身住沙田,所以根本唔知宜家個區有咩學校

直到早2-3個星期前買左本書~就搵到救星~就係以下呢本書

之前都買過好多本呢D書,但唔會知邊間好D,只會話你知學校的基本資料,,,,,,,但呢本就唔同會話你知佢地係教育披放既資源有幾多,排名同校風對我黎講真係堅有用

大家都不妨買返黎參考下~